«АМАНАТ» партиясының Саяси менеджмент академиясы лекторлар мен тренерлерді іріктеу бойынша конкурс жариялайды

«АМАНАТ» партиясының Саяси менеджмент академиясы келесі бағыттарға сәйкес лекторлар мен тренерлерді іріктеу бойынша конкурс жариялайды:

 Көпшілік алдында сөйлеу

 Қиын аудиториямен жұмыс істеу техникасы

 Жанжалтану. Басқару стратегиясы және жанжалдарды трансформациялау

 Дағдарыстық коммуникациялар және көпшілік алдында сөйлеу дағдылары

 Әлеуметтік желі технологиялары. Әлеуметтік желілерде жұмыс істеу.

Үміткерлер мынадай талаптарға сай болуы керек:

 Бакалавр дәрежесінің немесе маман дипломының және (немесе) магистр және (немесе) философия докторы (PhD) дәрежесінің болуы;

 Оқыту іс-шараларын өткізуде кемінде 2 (екі) жыл тәжірибесінің болуы. Қызығушылық танытқан үміткерлер өз өтінімдерін info@apm.amanatpartiasy.kz электрондық поштасына жолдауы қажет. Өтінімде ұсынылуы қажет құжаттардың тізімі:

1) тренердің түйіндемесі;

2) бакалавр немесе ғылыми дәрежесі бар маман дипломы;

3) жұмыс өтілін растайтын құжаттар (еңбек кітапшасы немесе т.б.);

4) оқыту фрагменті келтірілген бейнежазбаға сілтеме (бар болса), 15 МБ-тан аспауы тиіс;

5) бір ұсыныс хат (бар болса);

6) әлеуметтік желілердегі аккаунттарына (бар болса) сілтеме;

7) 1 (бір) сағаттық оқыту бағасы көрсетілген коммерциялық ұсыныс.

Келесі қосымша құжаттардың болуы бағалау кезінде артықшылық болып табылады:

1) философия докторы (PhD) немесе магистр академиялық дәрежесін растайтын құжаттардың көшірмелері;

2) шетелдік жоғары оқу орны дипломының көшірмесі;

3) бейіні бойынша халықаралық сертификаттардың көшірмелері.

Құжаттарды тапсырудың соңғы мерзімі 2023 жылғы 12 сәуір, Астана қаласының уақытымен сағат 18:30-ға дейін. Іріктеу конкурсынан өткен тренерлер мен лекторлар Академияның білім беру іс-шараларында оқыту қызметтерін көрсетуге тартылатын болады.

Байланыс телефоны: 8 (701) 45-55-383, Әлия Тілекқызы Жанкарина