Хабарландыру

«AMANAT» партиясының Саяси менеджмент академиясы келесі бағыттар бойынша дәріскерлер мен тренерлерді іріктеуге конкурс жариялайды:

Көшбасшылық (саяси көшбасшылық, «4D көшбасшылығы» жүйесі);
Команда құру;
Саяси технологиялар және саясаттану;
Саяси және дағдарысқа қарсы коммуникациялар;
Көпшіліктің алдында сөз сөйлеу және саяси спичрайтинг;
Саяси SMM және копирайтинг
Жобалық менеджмент;
Дағдарысқа қарсы коммуникациялар;
Психология және эмоциялық интеллект;
Күйзелісті басқару (стресс-менеджмент);
Күйзеліске төзімділік және эмоциялық өзреттелім технологиялары;
Жанжалдарды және өзгерістерді басқару технологиялары, конфликтология, медиация;
Оқытушылық шеберлік және фасилитация;
Сыни ойлау және ойлауды өзгерту;
Тұрақты даму және гендерлік күн тәртібі.
Іріктеуге бакалавр немесе маман дипломы, кемінде екі жыл оқыту іс-шараларын өткізу тәжірибесі бар және өтінімдерді қабылдау мерзімі аяқталғанға дейін құжаттардың толық пакетін ұсынған дәріскерлер мен тренерлер жіберіледі.

Қызығушылық танытқан дәріскерлер мен тренерлердің өтініштері электрондық пошта арқылы қабылданады (info@apm.amanatpartiasy.kz), хаттың тақырыбын «Оқытушыларды іріктеу» деп көрсету қажет.

Ұсынылатын құжаттар тізімі:

Тренердің түйіндемесі/CV;
Еңбек өтілін растайтын құжаттар (еңбек кітапшасы немесе басқасы);
Білім туралы құжаттардың көшірмелері: жоғары және /немесе жоғары оқу орнынан кейінгі білім туралы диплом және/немесе мәлімделген оқыту бейіні бойынша тренингтер/ коучинг/ курстар өткізу саласындағы қосымша білім туралы сертификат;
Оқыту фрагментінің бейнежазбасы, 15 МБ артық емес (бар болса);
Саяси және қоғам қайраткерлерінен (депутаттардан, мемлекеттік органдар мен ұлттық компаниялар басшыларынан), үкіметтік емес және коммерциялық ұйымдардан (бар болса) ұсыным хат;
Әлеуметтік желілердегі парақшаға сілтеме (бар болса);
1 (бір) оқу сағаты үшін бағасы көрсетілген коммерциялық ұсыныс.

Құжаттарды тапсыру мерзімі 01-30 қыркүйек аралығында сағат 18:30-ға дейін.

Іріктелген тренерлер мен дәріскерлер Академияның білім беру іс-шараларында оқыту қызметтерін көрсетуге тартылады.

Email: info@apm.amanatpartiasy.kz

Байланыс телефон: 8 (7172) 70-76-17, +77057999064 Аяжан Касымова