«Нұр Отан» партиясының қоғамдық сананы жаңғыртудағы рөлі

2018 жылғы 14 – 16 наурыз аралығында Саяси менеджмент академиясының аймақтағы дәріскерлер құрамына арналған «Нұр Отан» партиясының қоғамдық сананы жаңғыртудағы рөлі» тақырыбында семинар-тренинг өтті.

Үш күн бойы Академия дәріскерлері партияның қоғамдық сананы жаңғырту процесіндегі рөлін және Қазақстанды рухани жаңғырту жағдайында партия қызметін жетілдіру мәселелерін талқылады. «Цифрлық Қазақстан» мемлекеттік бағдарламасын іске асыру барысымен танысты және «Қазпоштаның» Сандық офисінің жұмысымен танысты. Сонымен қатар интерактивті оқыту дағдыларын меңгерді.

Іс-шараның интерактивті бөлігін Қазақстандағы ICBT халықаралық мектебінің өкілі, «Харизма» оқыту және дамыту орталығының жетекшісі, сертификатталған бизнес – жаттықтырушы Л. Серікбаева өткізді. Ол ақпаратты жеткізудің заманауи әдістерін көрсетті және жаттықтырушыға қажетті кәсіби-маңызды құзыреттіліктер туралы айтты. Тренинг семинарға қатысушылардың қызығушылығын тудырды.

Бұдан басқа, тыңдаушылар алдында Л.Н.Гумилев атындағы ЕҰУ жанындағы Заманауи зерттеулер институтының директоры, ф.ғ.к., саясаттану ғылымдары бойынша PhD докторы М.К. Сыдықназаров сөз сөйледі, ол қазақ тілін танымал ету бойынша іс-шаралар кешенін жүзеге асыру және латын графикасына көшу кезеңдері туралы ақпарат берді. М.К. Сыдықназаровтың сөйлеген сөзі семинар-тренингке қатысушылардың қызығушылығын тудырып, олардың арасында белсенді пікірталас жүрді.

Қоғамдық сананы жаңғырту мәселелері бойынша қоғамдық пікір туралы Талдау, болжау және стратегиялық бастамалар институтының Әлеуметтік зерттеулер бөлімінің меңгерушісі, ә.ғ.к. С.А. Ермаханова айтты. Дәріскер сөз сөйлеу барысында тыңдаушыларға Институт өткізетін сараптамалық сауалдарға белсенді қатысуды ұсынды. Тыңдаушылар дәріскердің ұсынысын шын жүрекпен қабылдады.

Семинарға қатысушылар өткізілген оқытудың маңызы мен тиімділігін атап өтті. Олар алынған білімді аймақтық және аумақтық деңгейлерде оқытуды өткізуде қолданатын болады. Жалпы алғанда аймақтық және аумақтық деңгейлерде Академия дәріскерлері мыңнан астам адамды қамтитын оқытуды өткізеді.